توقعات الأبراج ليوم الأحد 8/5/2016 من الفلكي فارس برازي

1101

الجوزاء

القمر صار موجود ببرجكم على الرغم من الشمس الموجودة ببرج الثور بس عم يعطيكم وجودو دعم مهم بالنسبة ألكم فجربو أستغلو هالفترة الحلوة عندكم وخلصو كل أموركم المهمة
نسبة العاطفة 77%

الثور

كل شي خصو بمشاريعكم الجديدة وبأموالكم ومكاسبكم المادية رح يشغلكم بشكل كبير وبتقدرو تحصلو على هدية أو مبلغ إضافي ومع ذلك أنتبهو من نفقاتكم يلي ممكن أنها تزيد اليوم
نسبة العاطفة 65%

الدلو

من أفضل الفترات الموجودة عندكم خاصة على صعيد الحب والعواطف يلي بتكون قوية ومهمة عندكم بهالفترة وبتقدرو تتقربو أكتر من حبيبكم الحالي وتحسنو علاقتكم فيه وتجربو حظوظكم
نسبة العاطفة 97%

العذراء

الفترة ممتازة لتتقربو أكتر من مديركم وتحاولو تحسنو علاقتكم فيه بشكل أفضل وكمان بتقدرو تقومو بأي تغير على صعيد عملكم وإحتمال تحصلو على ترقية أو مكافأة أنتو بتستاهلوها
نسبة العاطفة 70%

القوس

من أفضل الفترات لحتى تجربو تتقربو أكتر من شركائكم وكمان إذا عندكم توقيع على عقد مهم فهي هية فرصتكم وحاولو تكونو حزرين أكتر من ردة فعلكم ومن أي حدا ممكن يحاول يستفزوكم
نسبة العاطفة 91%

الميزان

إذا عندكم سفرة لمكان بعيد أو أي موضوع بيتعلق بسفر جربو أنو يتم اليوم والفلك بيدعم كل سفرياتكم وإتصالاتكم البعيدة وكل قضاياكم المهمة والفترة ممتازة لكل الطلاب بشكل خاص
نسبة العاطفة 84%

الأسد

بتكتر نشاطاتكم الإجتماعية وبتجربو أنكم تلبوها كلها وحاولو تستفيدو منها قد مابتقدرو ولصالحكم وبتكونو محاطين بأصدقائكم بشكل كبير وإحتمال تتحقق عندكم أمنية خاصة جداً
نسبة العاطفة 57%

الحمل

رح تكتر لقاءاتكم وتنقلاتكم وإتصالاتكم وسفرياتكم القريبة ومارح تهدو أبداٌ وبتكونو أشخاص مقنعين جداً وماحدا بيقدر يأثر على رأيكم والفترة ممتازة إذا عندكم أي إمتحان
نسبة العاطفة 80%

الحوت

رح يتركز إهتمامكم على بيتكم والفترة بتكون ممتازة لتدخلو أي تحسين على منزلكم الحالي أو لتنتقلو لمنزل جديد ولتكونو قريبين أكتر من أفراد عائلتكم يلي رح ياخدو الوقت الأكبر منكم
ونسبة العاطفة 44%

الجدي

بتكتر واجباتكم وأعمالكم ومشاغلكم وقد ماجربتو تخلصو منها بتحسوها رح تكتر وتزيد عندكم فجربو أنكم ماتلتهو وخلصو كل شي عندكم ع بكير والفرصة ممتازة لتنتبهو لرشاقتكم
ونسبة العاطفة 50%

العقرب

حاولو تنتبهو أكتر لصحة شخص قريب منكم والفترة بتكون ممتازة لحتى تحسنو ميزانيكم عن طريق المطالبة بمبلغ خصو بتعويض أو شراكة أو دين وبتقدرو تحصلو عليه في حال طالبتو فيه
نسبة العاطفة 32%

السرطان

بيوصل القمر لقبل برجكم لحتى يحملكم تراجع بالمعنويات والصحة وبعض الإحباطات يلي ممكن تصيبكم اليوم كرمال هيك جربو أرتاحو وبعدو عن كل الأجواء السلبية وماتاخدو أي قرار مهم
نسبة العاطفة 21%

للمتابعة: الصفحة الرسمية للفلكي فارس برازي

بدون تعليقات

اترك رد